秋季Half term遊 - Gloucester Cathedral ＋ Roman Bath ＋ Bourton-on-the-Water - Part 1

剛過去嘅Half Term，我地去咗個三日兩夜嘅短Trip，但冇乜idea去邊玩。一家五口要搵有Family Room嘅酒店真係有啲難，最後係Booking.com搵到呢間Gloucester Robinswood Hotel有Family Room睇相又有泳池就決家去Gloucester啦。睇Google Map，Gloucester同Bath距離一小時，都唔係好遠，於是就Plan咗今次嘅行程：Gloucester Cathedral ＋ Roman Bath ＋ Bourton-on-the-Water。

Gloucester Robinswood Hotel
📍Marlstone Close, Robinswood Hill, Gloucester, GL4 6EA, England

酒店唔係Gloucester市中心，大概係距離15分鐘車程。酒店房不過不失，係connecting family room，有一張雙人床同兩張梳化床，仲有食飯枱。對於之前住開Travelodge，呢間房真係大好多。而且如果揀唔用Housekeeping，仲可以送兩杯Free Drinks

呢間酒店有室內泳池、桑拿、健身房、壁球場同Spa Serivce。我地第二第三日朝早都有同小朋友游埋水先出去玩，細佬妹妹都好鍾意玩水。

我地行程係：
Day 1 – Derby -> Gloucester Cathedral ＋ Gloucester Quays
Day 2 – Roman Bath + Royal Crescent
Day 3 – Bourton-on-the-Water -> Derby

Day 1

因為酒店要3點後先可以Check-in，我地第一站係去Gloucester Cathedral參觀。由Derby落去Gloucester，大概要2小時。Gloucester Catherdral係英格蘭西南部最宏偉、歷史最悠久嘅教堂之一，如果係《哈利波特》粉絲，更加值得一去呀！因為《哈利波特》真係係到取景咖！

泊車📍Hare Lane South Car Park
Hare Ln, Gloucester GL1 2DA

📍Gloucester Catherdral
12 College Green, Gloucester GL1 2LX

入場：免費（建議捐款 £5個人/ £10家庭）
開放時間：建議先上官網查詢，11/12月有好多活動可應會影響開放時間。
星期一至五： 10am – 5pm
星期六：10am – 4pm
星期日：12noon – 2.30pm and 4pm

我地早有準備帶埋Costume黎影相，不過人來人往，本來都有少少唔好意思。但我地遇到一個姐姐自己係到影Harry Potter相，即刻放低包袱一齊影XD！姐姐仲邀請三個一齊影，話係一班Gryffindor學生。姐姐勁好仲借埋件袍我俾我同三個一齊影！

上網搵咗啲《哈利波特》取景資料，Fans可以去對比下呀！（圖片截自網絡）

場景名稱	出現於哪部	在教堂裡邊個部份	描述
South Corridor / South Cloisters Corridor	Philosopher’s Stone	South Cloisters	Harry 同其他一年級學生剛從分院帽儀式後，被 Percy Weasley 帶去 Gryffindor 公共休息室嘅路徑。
West Cloister Door	Philosopher’s Stone	West Corridor / Cloister	Gryffindor Common Room 嘅門口，Fat Lady 畫像那扇門。
Lavatorium	Philosopher’s Stone & Half-Blood Prince	North Corridor / Cloisters	第一部電影中，Harry 同 Ron 鬼祟咁 hide 喺 Lavatorium，當 Troll 探入女生洗手間嗰幕。 Half-Blood Prince 裡則係 Harry 偷聽 Snape 同 Draco Malfoy 嘅對話嗰段。
East Corridor / East Cloisters	Chamber of Secrets	East Cloisters	女生洗手間被水淹嘅場景（Moaning Myrtle 同 Tom Riddle 嘅日記事件），Harry 同 Ron 行過的 flooded corridor。
North Corridor, East Wall	Chamber of Secrets	North Cloisters	「The Chamber of Secrets has been opened. Enemies of the heir, beware」呢句血字在牆上嘅場景。