Zia 5 month

話咁快妹妹就5個月喇。唔知係咪食奶粉嘅關係，妹妹好肥豬，哈哈！

家姐個陣食左6個月人奶，妹妹就得3個月貨仔。雖然一開始好雄心壯志話要餵到1歲，不過中間去左個旅行就失咗預算。(話說本人好聰明地淨係帶咗電泵同冰種，但冇拎到喇叭同樽。個4日就好痛苦地手擠，但因為好難手擠得乾淨，到第4日已經退奶 ;'( 我真係唔係專登咖)

兩姊妹真係好可愛，雖然家姐絕大部份時間都係漠視妹妹 XD

爸爸就開心啦，咁多情人XD 第時可以左擁右抱啦~

妹妹自從識反身之後就成日都係依個姿勢，好似跳降傘咁，所以惡搞一下XD

家姐都被惡搞過，真心覺得佢同依個公仔係一樣樣！哈哈！

連個斜劉海都係一樣咖！XD

唔好睇妹妹皮膚而家咁好，其實早一段時間都幾差。唔知係口水癣定奶癬啦，總之個面仔又紅又甩皮，都持續咗好一段時間。因為諗住BB新陳代謝快，所以開初都冇點理佢，但後面超發超勁真係好肉酸，於是就試下用Rose Ointment。估唔到好快好返，而且仲白淨左好多！

即刻靚晒~

Rose Ointment 玫瑰軟膏含有非常矜貴嘅玫瑰Rose)、綠花百千層(Melaleuca Alternifolia)、廣藿香(Patchouli)等等。有效收善粗糙及敏感皮膚，就連BB都用得，除左搽面仔，佢地尿布疹問題我都係用Rose Ointment搞掂咖！