三寶要黎喇！18W3D

勢估唔到會陀第三胎，我自己都覺得好不可思議呀😂

之前間中都會有朋友／親戚問：點呀？仲生唔生多個呀？我個反應通常都係下！？唔啦，生多個出街都冇手抱🙈點知⋯⋯

啲驗孕棒真係高科技，有咗2-3星期就已經check到🙈（時間上係非常吻口😂）其實係八月份Young Living Gold Retreat返黎就check到有咗BB😝不過我冇defer九月份嘅Silver Retreat，因為已經defer咗一次，所以就照去啦，哈哈！BB未出世已經去咗兩次美國，一次大阪，十二月我地仲會去首爾同濟州呢🙈好瘋狂

今胎完全係意外，朋友／親戚都有問係咪想要仔？其實我同老公都冇咩所謂，如果係仔我地都覺得係好嘅，因為已經有兩個女😝。不過可能女會更加好，因為可以沿用舊有物資，而且三姐妹大個咗都可以share一間房（土地問題好嚴峻😝），最重要係爸爸覺得女嗲啲，好sweet！😆😆😆😆😆（其實我都同意）

上星期18W3D時去私家產檢就開估喇🤣🤣🤣🤣🤣BB超級合作，影得勁清楚，係細佬呀！！哈哈！最開心個個好似係譚心，自從佢知道肚入面係細佬之後，佢都會自己講「媽媽肚dum有細佬」，好可愛💖

香港大部分家庭都係一個起兩個止，生三個都比較少。最近有報導寫有媽媽陀第六胎😳，大部份嘅comment都係話有錢咪唔怕生囉／請兩個工人唔駛做有咩所謂之類，唔知點解我睇見淨係覺得好酸，冇人覺得個媽媽好衛大，生仔搵命搏咖，就算有錢都唔係好多人會生六個。要養家養小朋友，錢固之然重要，但我覺得唔好忽視父母嘅愛心同時間，依啲分分鐘貴呀！🙈而且我覺得平有平養咖啫，家姐返學而家都係六百幾蚊一個月，其實睇下家長點睇／點揀。

你問我係咪好鍾意小朋友，其實我覺得自己唔係，不過自己嘅當然唔一樣啦🤣我有時都會覺得湊小朋友好煩，好激氣，如果得兩公婆就會free好多自由自在，但同時我都會覺得有小朋友好sweet，佢地有好多好窩心嘅舉動，所以我唔會後悔咖！😆不過要唔要生，要生幾多個真係兩公婆自己溝通好先決定，真係唔太需要理會三姑六婆，如果真係唔鍾意／未ready就算生咗都可能只會令大家痛苦（大人小朋友都係），咁就真係唔生好過生⋯⋯😢做咗阿媽之後真係眼淺咗勁多（本身已經好眼淺🙈），有時見到啲家庭慘劇真係好心痛☹️

嗯⋯⋯唔知做咩突然咁Sad🙈🙈🙈🙈

Any肥，希望細佬健健康康咁成長，2018年4月見～😆

而家比較困擾嘅問題係，究竟細佬改咩名好？🤣🤣🤣🤣🤣