Ariel – First visit to Disney

話咁快譚心就兩歲喇！兩歲嘅首個慶祝活動就係去迪迪尼喇 （因為三歲前免費XD ）

話說我同爸爸拍拖頭五年每年都有去迪迪尼，但後來因為年年啲野都差唔多就冇再去喇，今次借譚心生日之名又再次黎到迪迪尼喇～

BTW 成人入場卷真係好貴，而家成五百幾蚊張。有鑑於此，我就買左一張銀卡奇妙處處通，因為而家有promotion，只要加HKD328就可以加一張成人飛。我計過只要我張奇妙處處通去得到兩次已經為到本（好C9 XD）

唔知係譚心太細個定咩，其實我覺得佢唔太enjoy去迪迪尼LOL。就連騎木馬佢都淆底，所以其實我地都只係玩左好少野，都係觀賞類班居多，例如：小小世界，神奇的魔法書。

係等睇排緊隊等睇魔法書表演個陣，後面有幾個小朋友玩得好開心，譚心想一齊玩就陰啲陰啲行埋去。人地拍手佢又拍手人地笑佢又笑，好搞鬼，小朋友真係好可愛。 最後啲哥哥姐姐都有同佢玩，握手手轉圈圈，佢仲專登哄個面俾人摸。我懷疑譚心全日最開心係依個moment XD 小朋友嘅開心真係好簡單！

夜晚我地去左小鎮大街嘅街角餐廳食飯，爸爸媽媽第一次黎迪迪尼都係係到食飯咖，好懷念。

夜晚睇完parade同煙花就即刻9秒9離開樂園，衝去搭的士返歸，唔駛10點就已經返到屋企，正！

HAPPY BIRTHDAY MY SWEETIE ＊MUAH＊