SK-II Facial Treatment Oil 護膚精華油

今次真係好開心呀，抽到She.com SK-II Facial Treatment Oil o既試用!! 早係兩三年前已經有用SK-II。因為當時為左準備結婚，所以都落重本XDD 不過結完婚之後就當然係放pai啦XDDD 只有間唔中敷下佢o既Facial Treatment Mask。但係….當BB出世之後就連敷mask都冇機會喇TT_TT  ((不過好彩我間唔中都偷到時間去做下Facial同massage，如果唔係應該更不堪切想:P))

SK-II o既PITERA神仙水一向都出名。今次新出o既Facial Treatment Oil護膚精華油係由PITERA和天然精華油以38.2 : 61.8黃金比例調配而成。可以為肌膚增強保濕及修護光澤！

 雖然係叫油，但佢都有精華般的滲透力。

 

↑可以睇到佢有兩層

用法好簡單：只需搖勻調和PITERA及精華油，雙質地親膚性成分賦予肌膚深度滋潤。

我大概會倒5-8滴係掌心，然後隻手搓匀按上面，如果有時間都可以做少少按摩，按下頸o既淋巴位。

精華油部份有Jojoba oil, Avocado oil, Olive oil同Rice oil。因為用精油產品都一段時間，都習慣左要用底油溝精油上面。不過SK-II Facial Treatment Oil o既Olive oil味都幾明顯，搽上面個陣都幾覺有陣油味，反而我自己平時用o既Argan Oil就冇咁o問題。

雖然佢係神仙水+精華油，不過倒出黎都有小小杰身，但就唔算好難推。

搽左明顯有光澤 (但唔油！)

而且我發現上粉貼左好多！！

同埋唔知係天氣問題，定懷孕荷爾蒙影響，我最近依兩三個月經常性都咀邊附近都有脫皮情況,。好煩，成日都有d屑屑走出黎。但用左SK-II Facial Treatment Oil就冇再出現過喇~~~~好開心！

50ml需要HKD1,080係真係係有d貴

但係如果係極乾極容易脫皮o既膚質，我覺得都值得入手。同埋一次只係用5-8滴，我估一個冬天都用唔晒XDDD