HUAWEI TALKBAND B2 – 冇籍口miss call
其實都收到隻錶兩個月喇
而家先得閒寫XDDD
自己一路都戴緊一隻叫”樂心微動”o既運動手環
非常平XD 購自淘寶 RMB 99
完全防水, 可以30日先叉一次電
不過一分錢一分貨 佢係冇來電振動o既
而app亦都需要係wechat到裝-_-“
我另外有買一隻比老公 但一齊出街個步數可以相差成3xxx 哈哈…
有幾準大家自己諗啦
Apple Watch其實一直都心思思好想買
(但其實對我黎講應該係冇咩特別用途LOL)
奈何佢個個8小時續航真係好令人卻步…
就係我生日個陣(10月XD)
老公就送左e隻HUAWEI TALKBAND B2比我喇~哈哈
雖然HUAWEI係大陸牌子 但佢個做工都幾靚
而家老公又好識揀咁買左白色
真係好靚 <3
未meet個保護貼 所以有個紅色貼紙係到XDD
開個日係10.14呀 哈哈
download個app就可以自動pair手機
所以設定都可以係手機到搞
佢有幾個function o既, 可以顯示步行,跑步, 踩單車o既運動時間
亦都可以monitor睡眠時間同瞓得好唔好XD
(其實我冇見過自己訓得唔好LOL)
你可以自己set目標一日行幾步
我好懶, 我一日行到7200就笠達成XDDD
上個月去左一轉東京
行左2萬幾步出黎 我都好佩服自己
瞓覺我就唔係晚晚都會戴
因為有時拎左去叉電冇戴返 :p
所以個chart唔準
佢另外都有link d資料去iPhone內置o既Health App
不過我冇研究有d咩用…
淨係用HUAWEI個App都ok
咁點解我會話冇籍口miss call呢?
因為
燈 ~燈~ 燈~ 櫈~~~
佢個錶玉係可以拆出黎當藍牙耳機ga!!!
真係好方便
一有電話黎手環會震 只要你拆個耳機出黎就可以即刻通話
真係幾方便ga!
不過美中不足就係個耳機冇得較大細聲
略嫌有d細聲
另外TALKBAND B2係唔防水ga
只係生活防水 (即係洗下手個d就ok)
所以我返屋企後都係要除低沖涼
通常我就會係e個時候順手叉電
瞓覺就戴返
除左因為想紀錄睡眠質素外
主要係因為有鬧鐘功能!
佢有一個智能鬧鐘, 係偵測到使用者處於淺眠的狀態時, 會提前發出提醒XDDD
so far其實係易醒ga 不過最近真係太凍 >.< 醒左都唔願落床就真XD
總括黎講 我覺得隻錶都幾好用
起碼我真係miss少左Call XDDD
同埋有時同囡去街冇手搵電話都可以用藍牙聽 😀
So far我同我老公都好滿意 哈哈
XOXO
