IRIS OHYAMA 家用除塵蟎大師

時間眨下眼就過，轉眼間已經五月了，還有不到兩星期就要回歸職場 🙁

留在家湊小朋友，時間其寶過得好快。（雖然我持住有公公幫手湊，每日都會竄落街食下午茶LOL）

認真覺得全職媽媽好偉大！全職公公都非常偉大呀！每個人聽到我話公公幫手湊小朋友，無一不會發出驚訝同讚嘆聲！當聽到公公仲會煮埋飯洗埋衫就簡直要拍爛手掌呀！仲要唔係頹飯，起碼三餸一湯咖！

雖然每星期都有清潔姨姨來打掃，但基本上一個下晝就會被譚心打・回・原・形 （哭）咁我地都當然要分擔下其他家務啦。有見及此，當我係GROUPON見到依部IRIS OHYAMA 家用除塵蟎大師做緊promotion嘅時候，我係手刀Paypal俾錢，爸爸就好迅速第二日就已經提貨返黎！（其實分擔家務同買依舊野係無咩關係XD純粹我心儀咗好耐而佢又真係好鬼抵）

其實我一直都好想好想買Dyson吸塵機！我同爸爸都有鼻敏感（爸爸情況尤其嚴重），所以一直都好想買部塵蟎吸塵機。Dyson係心水之選，因為無線好似好方便，但遲遲未下手就因為佢個價位真係好唔吸引⋯⋯就係我仲猶疑不決嘅時候，見到GROUPON有promotion就手刀下標！

跟機配件唔多，就一部主機、火牛、電池，that’s all.

叉滿電大概需要3個半小時，我試過可以吸到一張sofa、兩張床、枕頭同D公仔。佢係吸嘅同時帶有高頻率嘅拍打功能，1分鐘可以拍打超過 6000 次 !連潛藏係被褥內層嘅蟎蟲灰塵都可以拍出嚟然後吸走。除此之外，佢仲帶有有一支Philips既紫外線照射燈，可以利用紫外線除菌模式（但每個位置要照耐D，起碼5秒以上）

拆個塵隔都非常方便，就咁拎出黎就可以。佢說明書係建議係水入面打開，避免D塵飛到周圍都係。

你睇幾污糟！！！！

塵蟎同塵蟎糞便其實就係致敏元兇!聽聞一張床平均含有2百多萬隻塵蟎及超過4千萬顆塵蟎糞便（Yuck!) 塵蟎的排泄物會引起哮喘，濕疹同過敏性鼻炎等過敏癥，所以你話點可以唔定期吸床！真係諗下都覺得恐怖！！！>W<

如果你飽受哮喘，濕疹同鼻敏感困擾，我真係建議你買返部塵蟎吸塵機。除左自身免疫力要提高之外，其實都要由環境著手！

－－－－－－－－－－－－－－－－－－－－－－－－－

BTW 多謝各位踴躍參與GIVEAWAY活動！

幸運兒已經順利抽出喇～

你地快D PM我聯絡方法啦 XOXO