超地獄濟州首爾親子遊 – Day 1 ／濟州西歸浦 ／必備Kakao Map카카오맵

🙈超地獄濟州首爾親子遊，其實個地獄某程度上都係自己攞黎LOL，我地竟然帶住兩個細哈都挑戰淩晨機，死未！？🤣諗住4個大人帶2個小朋友會好輕鬆，點知⋯⋯完全係災難🙈

真心對同機嘅乘客做成不便好抱歉，我地已經盡力安撫佢地，但有時小朋友真係控制唔到自己，經過今次教訓之後我地下次揀航班會小心啲🙏🏻

🙇🏻🙇🏻🙇🏻🙇🏻🙇🏻🙇🏻🙇🏻🙇🏻🙇🏻🙇🏻

今次去韓國，本來話淨係去濟州，但因為我覺得濟州冇咩好玩，所以將5日行程再分去濟州同首爾，所以⋯⋯更地獄🙈我地今次揀咗搭Jeju Air，先去首爾然後到轉機場去金浦機場再轉內陸機⋯⋯所以⋯⋯個地獄係自找的🤦🏻‍♀️

我地係聖誕前出發，Jeju Air 來回香港到首爾成人票價HKD2,700左右，我覺得都幾平。我地一行4大1小1BB就合共萬三左右。而由首爾到濟州就KRW361,000 ，6個加埋大概都係HKD2,700 。

 

出發前係機場都係開開心心的，點知一上機就係災難嘅開始。兩個小朋友都好眼訓，而且兩個都扭要媽咪抱🤦🏻‍♀️🤦🏻‍♀️🤦🏻‍♀️好不容易訓咗又喊過，唉⋯⋯

好彩由香港去首爾都係4個幾鐘，捱過就一條好漢（But我地仲要再轉內陸機🤦🏻‍♀️）

令人崩潰嘅狀態🙄

落機個陣就已經朝早6點，妹妹好啲，瞓冧咗就可以繼續瞓，不論車仔定抱住到可以。

 

但大帝就一定要我抱住🙄🙄🙄🙄🙄23W仲要抱個30磅嘅真係爭啲命都俾埋佢😏

然後我地要由仁川機場搭去金浦機場轉內陸機，我地今次搭嘅係6707A，係4A出口都上車。其實佢10A都有一個站，但基本上4A個個站已差不多上滿，所以係4A到等會好啲。車程大概30分鐘，成人每位KRW7,500 。

 

到上巴士大帝心情又好靚靚，就算瞓醒都冇再扭🙈神奇！

去到金浦機場，兩姊妹又玩得好開心，跟住上機又瞓過😏

媽媽右手抱一個，左手就俾家姐long住個頭🙄我都想瞓囉好冇，平時又唔見你兩隻野咁痴身⋯⋯

去到金浦機場，原本我仲好天真咁想撘巴士，但真係好那攰🙈所以我地揀咗搭Jumbo Taxi（因為人多，又4件大行李，所以我地冇揀普通的士）

(圖片截自網上 – 係個個moment我已無力再影😅）

Jumbo Taxi比普通的士貴，起錶KRW3,600, 每公里KRW200 （普通的士起錶KRW2,400, 每公里KRW100 ）由機場去西歸浦大概1個小時，車費差不多KRW65,000 ，大概HKD460左右。

我今次係agoda揀咗住The Island Blue Hotel，都幾靚咖，揀咗海景房。同埋為咗方便就揀埋包早餐，兩間房兩晚大概HKD3,100左右。

디아일랜드블루 호텔

地址：제주도 서귀포시 태평로 431번길 3, 서귀포, 제주도, 대한민국

雖然話海景，但都幾遠下LOL

 

房有個開放式廚房，不過就冇廚具，因為我地冇打算煮野食，所以都冇特別問職員🙈

間房都幾大幾靚咖，不過有小小舊，都見到有D傢具係花咗。

好詭異，山長水遠去到濟州都係睇Masha & The Bear🤣不過係韓文版，但你唔好理，小朋友一樣睇得好開心🤣🤣🤣🤣

休息一陣我地就出去醫肚喇，已經折騰咗大半日，個個都得返半條人命🙈於是就係附近搵野食喇，濟州咁近海，當然係食海鮮啦！

我地係酒店附近搵到間餐館叫기억나는집 （地址：제주 서귀포시 중앙로 6)

係專食海鮮湯해물탕咖，我地叫咗個大嘅都係KRW60,000 ，好鬼抵（同程的士差唔多🤣）

你睇下，有勁勁多鮑魚！！！上枱個陣鮑魚用八爪魚仲識郁咖！！！！

我地另外仲有叫條煎鯛魚俾小朋友食，相對煎魚就比較貴喇，要KRW25,000 。

開餐！

當然唔少得韓國名物，公仔麵啦😂😂😂😂

食飽飽我地就去附近逛下，隔幾條街就係李仲燮藝術街이중섭 거리，有好多小商店賣精品咖。（제주특별자치도 서귀포시 정방동 535)

而沿住李仲燮藝術街行上去就可以去到西歸浦每日市場서귀포 매일 올레시장喇！

（제주특별자치도 서귀포시 중정로73번길 22)

西歸浦每日市場其實就好似街市咁，乾濕貨都有得賣，不過因為我地都好鬼攰，買咗一包柑就打道回俯休息，未到8點就已經瞓晒😂🙈

—————————

另外強烈建議大家去韓國要裝KakaoMap카카오맵

，查地方查車都方便好多！！！Google Map係韓國用唔係好得🙈（平時我會係Google Map tag晒要去嘅地方，再利用Google Map去查車，但今次發現唔work）

可以好方便咁搵到附近有咩食，仲有相有價錢👍🏻

只要輸入起點同終點，就可以搵到有咩車去。如果唔識韓文，就最好做晒功課，查定韓文地址係手機Notes到，到時一copy就查到。

有佢我先可以通行無阻😂不過佢estimate的士車費個part有啲唔可靠🙈，路程同時間都準嘅，係個價錢under estimated，不過好處係你都可以即刻track到司機行得啱唔啱 （唔好講笑，第二日個司機車我地去神話世界堅行錯路🤦🏻‍♀️，上咗另一條公路，死未⋯⋯