輕鬆濟州親子遊 Day 4 & Day 5 – Encore 神話樂園 / 臨尾香 / 返香港喇！

一早起身我地就去咗酒店嘅遊樂場到玩，真係好好好凍！！

我諗因為真係太太太太凍，所以完全冇人。

我地玩咗半個鐘左右就放棄喇，決定再戰神話樂園！😂

如果唔係因為KKday HKD50張飛，應該唔會去完又去。

（不過家姐同妹妹都妹開心，神話樂園係今次去濟州嘅重點）

首先要醫肚先，不過上次嘅LARVA餐廳都係冇開，唯有去近樂園門口嘅餐廳食炸雕。後來先發現原來仲有另一間餐廳有開，係Oscar’s New World個邊。

韓國嘅炸雞真係無論邊間都咁好味！

黎第三次先第一次玩Oscar’s New World😂

可惜係妹妹唔夠高，爭少少少少少少，所以冇得玩咖啡杯🙈

今日都唔係玩咗好耐，大概都係兩個鐘左右，因為好凍，實在支持唔住⋯⋯

下次，如果有機會再黎，真係要夏天黎😂

然後就返酒店食個早晚飯，酒店有一個Food Court係專食東南亞菜，連港式都有咖！😂

不過唔知點解連越南粉都算係港式食物😂😂😂😂

韓國炒辣雞，好食，但真係太辣🙈

食飽飽我地就返房休息喇，因為聽日要一早5am check out去機場。最後一晚就諗住俾啲囡浸浴玩下水啦，點知佢兩個玩得太開心，成個廁所地板都濕立立，係廁所抹身吹頭都好小心。點知最尾都係整鑊杰嘅，家姐竟然係廁所門口跌親⋯⋯撞瘀咗塊面😢

當晚當然即時搽油啦，其實目測就唔係好傷，但係第二朝就變咗好深色嘅結焦😖見到都好心痛（好在3個幾月後嘅今日已經冇咩，唔算覺眼）

我地返黎個陣係疫苗初期，不過上機我地都有同啲細路戴口罩。因為同機返港都幾多國內人，而且有咳，所以我地個陣都驚驚地呀🙈

無驚無險就返到香港，但估唔到之後疫情關係，接住新年假停課至今呢⋯⋯

而家唯有睇住相去回味/期待下一次旅行。