14日遊輪之旅 – P&O｜西班牙＋葡萄牙＋加那利群島｜Day 11 – Cadiz

西班牙嘅最尾一站係Cadiz。Cadiz係歐洲最古老嘅城市之一，歷史可追溯至超過三千年前。位於一個狹長半島上，三面環海，風景如畫。不過今日好獨別，前一晚收到通知因為冇位泊係乘客上落嘅碼頭，所以遊輪會泊咗係貨櫃碼頭，會安排免費Shuttle Bus接送，有指定時間上落船。

我地都係係近碼頭附近閒逛，呢到嘅建築物都非常之靚，好多遊客同有有極多手信鋪。

Catedral de Cádiz，卡迪斯大教堂，我地去嘅時候係復活節假期，當時正在準備Semana Santa（聖週 / 耶穌受難週） 活動 ，見到大教堂出面鋪晒紅地毯，夜晚好似會有遊行隊伍，不過因為我地只有日間時間上岸，我地就冇緣睇到喇。

今日我地再試過西班牙炒飯。今次我地試咗兩款飯同一款意粉，但全部都係好濕嘅，個意粉仲要係斷晒嘅，好搞笑。但味道都唔錯，而且比上次食平好多。我地都係求其搵一間餐廳食，咁啱呢間係只收現金。

食飽我地又繼續閒逛，今次係超級市場買咗啲海產罐頭，呢個蜆勁好食呀！好可惜當時冇買多幾盒！

行行下見到呢啲夾住西班牙火腿嘅包好吸引，5歐買個黎試下，都唔錯，妹妹都好鍾意。

誤打誤撞入咗呢間填煙薰嘅鋪頭，佢請我地試食呢個煙薰吞件魚，超。級。好。食！

因為Shuttle有指定時間，所以我地決定早啲返上船。然後去咗船上好靚嘅Cafe上網，把握有網上嘅時間。