一月購物誌 – Part II

繼續分享一月購物誌o既Part II 😀

首先介紹o既係纖Q好手藝o既沖泡式紅豆水。我估好多人都有見過依個台灣牌子，我第一次買個陣應該係上年四月去台北旅行o既時候。

飲紅豆水有咩好？低熱量、可以補血、去水腫、而且可以幫助排便順暢。咁食紅豆沙得唔得呀？答案係唔得咖，因為紅豆水個精華就係個紅豆皮，如果一煲爆左粒紅豆，佢紅豆肉o既澱粉貿釋出左出黎就變左高熱量咖喇！

纖Q好手藝o既沖泡式紅豆水嚴選赤小豆20倍濃縮水萃精華，一包只有唔到10cal。而且即沖真係慳水慳力慳時間！之前我都有試過自己焗紅豆水飲，但都真係幾麻煩，而且會浪費左d紅豆…我又冇理由留起佢煲紅豆沙咖…同埋最最最麻煩係唔知點解焗完紅豆水個保溫杯會好難洗…所以有沖泡式紅豆水真係好方便！

今次我係fingershopping訂，一盒好似around70蚊左右。我見萬寧都上左架，不過就貴d around 一百蚊一盒。其實市面上都好多鋪頭仔都有賣，價錢都係around 60-70蚊，大家都可以參考下 😀

↑上一胎水腫問題好嚴重呀，隻腳好早就開始腫，而且仲腫到好似浮屍腳咁XD 今次完全冇問題，我到而家都仲戴到介指，腳亦都唔算好腫，我覺得係keep住飲紅豆水o既功勞！

跟住繼續share online shopping好去處 (笑) 就係博客來喇！

http://www.books.com.tw/

應該好多朋友仔都知道博客來訂書好方便，上個月佢仲有promotion免運費送香港7-11取貨添呀！不過我d書係佢做promotion之前訂 (泣) 冇免運費 TT_TT 不過好彩都唔貴，就算加埋運費都平過香港買:D

最近好熱衷用油，所以都需要買D書增值下自己。不過可能要等產假開始先多D時間睇，暫時都只可以揭一兩版立下就算>_<

最後一樣網購就係慶余坊o既紅棗核桃榚 (辦年貨 哈哈) 依個係朋友仔介紹咖，係香港本地手製。真係超！好！食！！朋友俾左幾粒我試食，一食驚為天人(好似太誇張)，但真係停唔到口，一下字就食晒。

佢係用紅棗、核桃同麥牙糖造，口感非常好！煙韌得黎又有核桃咬下。試左幾粒就決定今年訂黎送禮 😀

 

如果大家都有興趣 可以上佢fanspage睇下bor~

http://facebook.com/hingyufong

 Main Blogs: http://realmemakeup.blogspot.com