產後修身大業 2.0 – 紮肚

諗都冇諗過兩年之後再黎一次產後修身大業😂（應該話冇諗過生第三胎🙈）

（V1.0在此http://bymillyco.blogspot.com/2016/04/giveaway.html）

不過老實講無論幾時修身減肥都係女人嘅終身事業 （其次應該係美白XD）

年紀又再大多兩年，新陳代謝大不如前，所以今次要投入更多資源😂😂😂

首先就係紮肚喇！

其實早係上一胎時就已經知道紮肚，不過因為當時覺得好貴，又持住自己仲年輕，自己用Cel-lite Magic按照就搞得掂🙈不過今次就唔得喇，好彩我一早就Book定紮肚師產後幫我👍🏻效果真係幾好咖！有圖有真相！

不過要事先講清楚係，紮肚不等於減肥。紮肚嘅原理係利用外力（紮肚布）幫助因爲懷孕而鬆弛咗嘅腹直肌返回原位，所以如果係因為脂肪而形成嘅肚腩，紮肚就幫唔到手喇🙈 

咁紮肚個過程其實都輕鬆嘅，紮前技師會先幫產婦做腹部按摩，排走多餘嘅氣體同宿便，然後就利用紮肚布紮緊。按摩過程都好舒服咖👍🏻咁因為我自己會調油，所以我就算用咗Young Living嘅Cel-lite Magic按摩油加入乳香Frankincense、薑Ginger及天竺葵Geranium去做依個紮肚按摩油。紮肚師都話依個配方好好，要跟我咁調配俾其他客人用呀😆

咁紮完就要Keep 8-10個鐘，所以中午前紮會比較好，咁就唔會太夜先有得沖涼。我紮嘅時間係5月中左右，其實都已經有啲熱，不過尚可接受嘅🙈成個療程係10日，分開兩個星期一至五。我自己覺得個效果好好呀！

我諗好多人都會問，咁紮完係咪會瘦呀？Keep得耐唔耐呀？老實說，我覺得對於收腹正肌係有效果嘅，但係個肚皮依然係會鬆鬆地，絕對有需要做運動去Train up，先至會firm🙈