譚心第一次返學

一直都冇打算安排譚心返學，因為都諗住直接報K班。不過最近覺得佢有d太我行我素，同埋希望佢可以學下同其他小朋友玩/分享。卒之都係報左名返d一星期一堂兩小時o既pre-school班。暫時安排係星期日上，因為平時公公湊，如果要公公走出走入都幾麻煩 (公公實詐形:p)。所以就安排係星期日，咁就可以自己湊出去上堂。 🙂

其實都真係好大膽，係冇同譚心返過play group o既情況下就直接安排佢自己一個上堂。暫時知道依班係一位老師對四位同學仔，試堂當日有一位小朋友病左，所以只有三個o者。

一開始入去熱身個陣都ok ga，冇表現出驚。玩切切仲好開心添！(不過佢唔識用刀切XD，佢一向都係徒手破開D玩具食物XDD) 老師有教佢要用刀刀切，而且要serve on plate。我係側邊睇都幾搞笑，而且我發現佢返屋企見到類似o既玩具終於識得玩…之前教好多次佢都係用手搣開d玩具食物 -_- 擺明唔聽我地up

warm up一輪，老師就閂門喇。閂左門之後我地就聽到小朋友呼天搶地o既喊聲，然而譚心係冇喊咖！小朋友係見唔到媽媽o既情況下係立馬就喊，但譚心依然係好開心咁繼續玩佢o既玩具。-_-“

當我地覺得自己個囡好叻o既時間，三十分鐘過後，我地就聽到譚心呼天搶地o既喊聲…(其他小朋友就已經收晒聲….)然後一直到到落堂為止，我地都聽到譚心o既喊聱。