邁向全職媽媽之路

超耐冇UPDATE，因為最近真係好忙，非常忙>_<

仲有十幾日就邁向全職媽媽之路，冇錯，2017年1月1號開始我就唔做野，做全職媽媽，自己湊返兩位譚小姐。

之前一直都係公公幫忙湊，不過隨住譚大小姐越大越頑皮，而阿公本住「孫係要黎寵」嘅宗旨下，情況一發不可收拾LOL 咁係經濟情況許可下，就決定自己湊返啦，而且講到尾我覺得湊/教小朋友係父母嘅責任，真係唔可以假手於人。

於是乎未來一月份我就有兩位新老闆喇，唔知到時搞唔搞得掂呢，其實我都幾忐忑…不過船到橋頭自己直，最多冇飯食咖啫(我)，唔駛死嘅XDD