520 結婚三周年快樂

眨下眼就已經結婚三年 妹好轉眼就已經一歲

520我地揀左去Hotel Icon到食lunch buffet慶祝

環境好好 地方好大

不過可能太大期望 我覺得冇想像中咁好食

不過本人食buffet嘅戰鬥力麻麻 熱葷食唔到幾多

羊扒不錯 不過如果佢換換個唔甜嘅薄荷醬會好啲

佢個椰子燉雞湯就非常好喇

可惜冷盤長腳蟹唔好食…好乾啲肉好碎

甜品都的的骰骰 種類大概有10款左右

不過咁啱佢主打我同老公都唔食嘅榴槤..T_T

Book枱時remark係anniversary 佢有個蛋糕仔送

我諗係班蘭蛋糕掛 味道都不錯咖

當日我地都見到最少3 pair人有蛋糕慶祝 😀

食完Buffet之後我地就去左3D Museum影相

說實話就地方真係唔大

一個Area三面牆 但影相位交匯住…其實真係好難影…

One Piece館其實真係唔多野睇…

所謂嘅迷宮其實就更不值一提

入面個女帝figure靚呀 但你可以係出面同佢影相..

不過都影到啲得意相嘅

美中不足嘅係個日天氣好差

我地有幾個鐘都係i-square Pacific Coffee到打躉 LOL