硬水？軟水？

係香港好似從來都冇深究過啲水係硬水定軟水。做下research先知道，根據水務署資料，原來香港嘅水係屬於軟水。我諗硬水軟水應該唔會係落腳/租屋住嘅主要concern，不過得個知字都好丫。

軟水同硬水有咩分別？

基本指標係睇水入面鎂同鈣嘅含量，礦物質含量越高就代表水越「硬」。咁可以利用Water Softening system（軟水處理器？我唔肯定中文係咩）去移除食水入面嘅礦物質，從而令水變「軟」。

爸爸最擔心嘅就係硬水會唔會引起脫髮問題🙈，不過好多報告話冇關係。根據報告指出，飲用硬水係唔會影響健康嘅。但係呢就有機會令皮膚同頭髮變得乾燥，因為水入面嘅礦物質含量會影響皮膚表面嘅pH值。

但原來唔係整個英國都係硬水咖！

可以用Water.org.uk去查下係邊間公司負責你住個區，用Postcode就可以Check到
https://www.water.org.uk/advice-for-customers/find-your-supplier/

以倫敦E14 9XD為例，佢地嘅water supplier就係Thames Water, 咁可以直接Click條Link direct你去Thames Water嘅網頁。

咁Water Supplier嘅網站就會有水質報告，我見都會有寫係硬水定軟水嘅。以倫敦E14 9XD為例，佢地就係硬水喇。

所有資料都好公開，就連含氟量，含鉛量都有。亦會標示上一個測試日期係幾時。

咁我都Check咗我地租到個到係硬水，係唔知裝唔裝到Water Softening system之前，唯有用住Filter Jug同搽多啲Lotion去補救啦😂

另外要提嘅就係雖然對人體無害，但要留意係硬水對用水嘅家電有一定影響，例如水煲、洗碗碟機，洗衣機等等。因為水入面有礦物質，久而久之會形成水垢，就有機會減低家電嘅壽命，所以要記得定期做除垢呀！