14日遊輪之旅 – P&O｜西班牙＋葡萄牙＋加那利群島｜Day 5 Madeira, Portugal

係海到漂咗3日，終於可以掂到地喇，非常高興！（尤其係阿力，因為佢已經暈咗三日浪）
上午9點左右上岸，5:30前要返上船。

Madeira馬德拉係葡萄牙一個自治群島，位於大西洋東北部，距離摩洛哥約860公里，屬於非洲板塊，但政治上屬於歐洲。出發前天氣預報係天陰冇雨，點知到埗後日日都係話落雨。不過好好彩係每日最後都有轉晴，所以都影到唔少靚相嘅。今日遊輪碼頭同市中心都有啲距離，徒步行都要大概20-30分鐘，遊輪公司有安排接駁巴士，£5位單程，不過都有唔少乘客同我地一樣選擇行出去。

C朗拿度就係係Madeira出生同成長（當然我係問ChatGPT先知啦），有個做得勁唔靚嘅C朗像，仲有博物館同酒店。

我地撘咗Monte纜車上山，提提大家可以上官網買飛或者直接去纜車站買。途中我地見到有啲士多仔賣纜車飛，但都比官網定價高少少。呢到啲屋大部份都係橙色頂，風格一致。但當中都唔少屋係棄置咁，連屋頂都冇。

上到山頂，好多人都去植物園睇，不過我地就冇去，係外面睇有啲熱帶雨林feel。呢到仲有好出名嘅籃橇車（Toboggan ride），坐係個籃橇車到，有兩個轎夫係後面同你一齊跣落山，佢哋控制轉左轉右，用對鞋黎刹車，全程2KM。都非常多人排隊體驗呢個活動，但我地睇都覺得有啲動魄驚心，因為條路仲有車行緊。

我地係教堂後面搵到一間Coffee Shop，稍息一陣同埋上下網，餓咗三日大家都好忙。
BTW，關於歐遊上網，本身我用EE都可以加錢買歐洲網絡，£10有10gb，但唔知點解一日內就用晒。所以第二日我上岸前我要搵方法再買，好彩我電話有eSIM位，於是決定係Simify買咗7日無限上網嘅eSIM Plan（因為前後都係7日上岸，係海中心係點都收唔到），£22 – 7日無限上網，我覺得都OK。

如果有需要可以睇下Simify，用我Referral Link可以減$10 （截至10 May, 2025）。
https://bit.ly/4kbWZcD

而兩個囡手機係Giffgaff就本身已包5gb歐洲網絡。