2018 Feb 照片紀錄

嘩！二月一陣風咁就過咗🤣一篇Blog都冇打過，唯有用相紀錄下啦🙈

二月初有Kaleidodrops精油萬花筒嘅新春團拜～好開心呀～仲抽到Sulfurzyme！

家姐幼稚園上學期話咁快就完🙈然後因爲流感太勁，學校都提早放假🙄🙈

亦都因為咁個二月好鬼忙，周身唔得閒🙈

學校有派返個紀錄冊我地睇小朋友發展，估唔到家姐小肌肉都不錯呀，油顏色幾好，都可以keep到係界內，叻叻👍🏻

然後終於去影第一輯孕照🤣陀到第三胎終於都忍唔住🙈不過都因為知道今次唔影真係冇機會所以都係決定去影啦XD之後再寫一篇關於影大肚相嘅blog～今次揀嘅依間Package平靚正，推介啊！

影完幾粒鐘，妹妹已經無電扭晒計🙈

當然都唔少得自己team gathering啦～

然後臨近新春呢，又有大件事發生，妹妹係屋企同姐姐玩到撞爆缸😭😭😭😭

好彩有用開精油，所以先冇騰雞，感恩唔駛聯針亦到埋口埋得好好，而家係要得個疤退色啫，遲啲再出一篇Blog分享！

新年忙忙忙 周圍拜年

好不容易等到姐姐返學先可以抽時間去學野XD （當然要特別嗚謝公公幫我湊妹妹啦）

而二月底亦都係鋪頭交吉之時😭雖然門市只短短運作不夠一年時間，但承蒙各位厚愛支持呀！

距離細佬出細仲有一個月多啲，不過都未準備好用品🙈哈哈！

都好期待細佬嘅來臨，希望到時唔好太災難啦🙈