My sweetie!

寶貝女Ariel終於出世喇！

2014年04月21日凌晨終於咇到佢出黎喇！真係好感動！雖然陣痛個過程真係萬分痛苦 但當生左出黎之後真係好好好感動 (同時亦覺得如釋重擔！！)

朝早因為穿羊水入院 陣痛左足足19個鐘 初初用電機止痛 但痛左八個幾鐘都仲係開得一度 於是要落藥催生 入到候産室就開始聞笑氣 因為痛就勁索 於是就勁暈 其實之後都一真處於混混沌沌嘅狀態 記憶非常模糊 只有陣痛嘅時間有反應 中間因為笑氣都抵唔住陣痛 打左一支止痛針 其實打嘅時候都好猶豫 因為姑娘話打左止痛 BB出世時可能會唔識喊同呼吸 不過有解藥打 好彩我BB冇依個問題 一出世打兩下就識得喊 避免挨多一針 

而家諗返起都覺得成件事真係好amazing!

尤其當我望住BB嘅時候 感受更大 早段時間仲係我肚入面嘅BB而家已經係我懷抱當中 真係百般滋味在心頭

Ariel, I love you

你要快高長大 健健康康呀！XOXO