手機遊戲 – 明星志願 ♥ 超懷念！

細個個陣d育成類電腦遊戲作品真係好好玩咖！唔知大家童年時代有冇玩過<<明星志願>>呢？

我諗我應該成個系列都有玩過 XD 由<<明星志願>>、<<明星志願2>>、<<明星志願2000>>、<<明星志願3>>到<<明星志願3 甜蜜樂章>>都有。明星志願係我對<<美少女夢工場>>外，另一款熱忱o既遊戲！((另外小魔女帕妃、錬金術士艾莉都好好玩！可惜而家已經冇咩人玩/ 出版育成類電腦遊戲 >_< 不過有出都冇時間玩，反而手機遊戲都仲可以係通勤/瞓覺前玩下 哈哈

我係偶爾間發現原來已經出左<<明星志願>>手遊！當然要即刻download黎玩下啦！！

http://std.softstargames.com.tw/

今次依輯叫做<<明星志願 星之守護>>

首次登入之後就有得改名，揀樣、髮型咁。今次都係以第一身形式進行，玩家會係主角而唔係經理人。行程都要自己篇排咖！

登入後o既畫面，右上角有行動力bar，金錢同`埋寶石。其實同一般手遊設置差唔多，行動力都係會按時間增加，滿左唔玩就會爆體咖喇！不過佢定時有得拎免費行動力，就係左手邊第五個選項(有隻鞋寫free個個icon)，時間係中午12:00-1:59同晚上8:00-09:59，每次有50點，爆左體都可以拎到免費行動力啊，所以要記得登入唔好蝕！