超地獄濟州首爾親子遊 – DAY 5 ／COEX Aquarium 코엑스 아쿠아리움

最後一日喇😭好唔捨得，但其實拖住兩件細嘅去旅行又好攰，其實都好掛住屋企張床😂

連續兩日其實我都有朝早偷時間出去行下（10點幾行到11點😂），最尾今日竟然落雨！晴天霹靂呀，人地諗住去仁寺洞行咖嘛⋯⋯於是改變計劃，去COEX，因為有水族館。但其實又好趕，因為九點機六點要出發去機場（點知delay🙄🙄🙄🙄🙄🙄🙄）

其實明洞有AIRPORT BUS，不過我地最後揀咗搭AREX，因為驚塞車🙈，同埋AREX竟然平啲👍🏻

一個人咁早鼠出黎行街睇咩？明洞有棵8層高嘅DAISO呀！！！！！得一個鐘其實唔夠行囉⋯⋯睇得勁趕🙈

掛住睇都冇時間影相😂買咗好多紙膠帶，因為都係KRW1,000卷，超抵！又買咗啲Made in Korea嘅紙黏土，都係KRW3,000一盒，非常抵！

行完就匆匆趕返酒店，執好行李，check out然後去COEX喇🙈

(地鐵2號線三成站삼성역5號出口)

落車就立馬要衝去COEX Aquarium喇（真係超級趕🤦🏻‍♀️）

中途見到依個好大好靚嘅圖書館！！！

星期日嘅COEX Mall超級無敵多人，早知早一兩日黎啦🙈

是日重點！COEX Aquarium！

7年前拍拖黎個陣太晏閂咗門，今次拖埋兩個女黎😂家姐同妹妹都好開心呀，有魚魚睇～

其實我都幾鍾意睇水族館😍基本上如果個個地有，都會去睇一次👍🏻

營業時間10：00~20：00(週五、六 21:00)

入場至閉館前1小時為止

票價 成人KRW28,000 小童KRW22,000

官方話行晒成個水族館大概需要1個半小時，不過因為我地勁趕只行咗一個鐘咋😭

一共有14個展區

好搞笑地唔知點解有松鼠睇🤣

亦都有啲好特別嘅魚缸，郵筒、電話停、遊戲機咁🤣

然後又好莫名地有蝙蝠、地鼠、免仔、天竺鼠睇🤣我諗因爲係細路鍾意啦🙈😂

瘋狂地趕行程之後，我地就搭返去明洞拎行李，再搭車去機場。

點知⋯⋯7點去到機場發現所有航班都因為大霧而Delay！！！！！！！！然後我地班機由9點delay到凌晨兩點幾⋯⋯😭😭😭😭😭😭😭😭低處未算低⋯⋯我地過關搞咗好耐好耐，一心早啲到機場食晚餐，點知成9點半先過到關⋯⋯然後大部份嘅餐廳都係9點半last order⋯⋯

而成個機場只有兩間食肆係24小時⋯⋯CRAZY！！！！！

好不容易先搵到一間24小時食肆，叫咗兩個牛肉飯、兩個豬肉飯同烏冬。不過超超超多人，因為人人都delay。最後我地係坐係地下食，食完先返去登機閘口慢慢等⋯⋯

仁川國際機場看似好靚，但配套真係唔work⋯⋯個晚個個都要周圍撲野食撲野飲，到到都超長龍🤦🏻‍♀️惡夢

凌晨兩點幾依舊無限精力，諗住上機可以瞓覺好，點知家姐又發癲🤦🏻‍♀️臨Land個一個鐘又瘋狂地喊，最後空姐要請我地去後面Galley冷靜，雖然言語不同，但空姐姐姐都出盡法寶去氹家姐，希望家姐可以快啲收聲🙈

好不容易終於落機，立馬Uber返屋企瞓🙈可惜8點幾瞓，小朋友們12點幾就醒⋯⋯於是我又係要起身😏迅速執野，然後檢視戰利品🤣