輕鬆濟州親子遊 Day 1 Part 2 / 濟州神話樂園 / 藍鼎酒店

Yeah! 無錯，我地又黎濟州神話樂園喇！

今次我地決定係KKday買入場門票，因為真係抵好多！

我地當時買係HKD50， 大小同價，不過今日再睇已經係HKD85， 如果大家會去玩可以留意下KKday，可以即買即用～

另外亦可以Download JSW Rewards App

會冇會員折扣

而且消費仲可以儲積分當錢用，都幾好咖！

一入園就即刻衝去玩喇！成個園區放眼都冇10個人😂，所以都完全唔需要等，一入即刻有得玩！

呢一個Larva遊戲，我地第一日好似玩咗4次😂😂😂好瘋狂！

樂園嘅主角表演，但真係實在太凍，不能堅持睇晒， 真係睇5分鐘我都頂唔住🙈

園區入面有個大公園，好有Heart咖，全部都係石屎起嘅，同我地兩年前黎差不多，冇話已經俾人玩到溶溶爛爛😂。唔好嘅就係太空曠，真係好好好凍！超食風！

不過小朋友就玩得好開心！因為有好多款滑梯，又有繩網！

 

今次我地玩多咗兩個新遊戲！因為兩姊妹終於夠高喇！😂

就係爆笑蟲子太空大冒險同旋轉公園4D影院喇～

爆笑蟲子太空大冒險係類似Disney嘅Antman雷射射擊遊戲咁，

不過仲有4D效果嘅，好好玩！

（Photo copy from official web)

旋轉公園4D影院都好特別，係超動感影院咁，但係係瞓係到玩！！

係韓國第一大的圓頂屏幕嘅4D劇院！

 

亦玩咗迴轉Larva，超級凍！！！！！😂

仲有上次都玩過嘅爆笑蟲子世界游，都係超級凍😂

專登影返同一個地點，仲專登同兩姊妹著返同一件褸去咖🤣🤣🤣🤣

～兩年前～

公公婆婆同我地一齊去🤩攬炒🤣

不過可能係因為冬天比較少人去，好多設施都冇開，上次去嘅Larva餐廳都冇開😢

玩完離開樂園大概係6點幾，其實我地只係玩咗3個鐘左右，但真係太凍同埋已經樂攰，我地就決定打道回府了。

成個酒店區嘅唯一嘅便利店😅😅😅買啲野飲同買定啲宵夜🙈

然後我地就返歸去酒店搵野食喇～

酒店個到有一條亞洲美食街，有唔同嘅亞洲小食賣，種類就唔算好多，我地最尾個晚有食到，都算不錯，之後再介紹。同埋周末亞洲美食街出面仲會有跳蚤夜市呢，我地去到個日係星期日就有見到有手工品賣，都好多別緻嘅小物賣～

我地其實係返咗上房稍休片刻再落黎，大概係8:30左右。酒店除咗頭先提嘅亞洲美食街，仲有另一邊food court商業美食街，不過8:30已經過咗Last Order，所以我地就去隔離嘅意大利餐廳 –  The Place👍🏻

我地叫咗一個有牛扒沙律嘅3人餐，大概～HKD600左右，少少貴但酒店內都算正常價格，而且都幾好食～家姐食Pizza都食得好開心👍🏻

妹妹就⋯⋯如圖所見⋯⋯瞓咗😂係由返房小休就瞓咗，瞓到我地食飽都冇醒過，我係抱住佢食再抱返佢返房瞓😅

食飽飽我地就返房休息喇，始終第一日，大家都好鬼攰。

返房睇一陣電視就大覺瞓～期待明天嘅行程👍🏻