喺今時今日急速生活節奏，我相信好多人都想要搵簡易方法去幫助做體重管理。除咗食得健康同做運動之外，原來精油都係其中一個有效嘅方法呀。今次揀咗幾枝精油俾大家參考下：
1. 薰衣草精油
薰衣草精油大家應該都好熟悉，坊間好多產品都係有薰衣草成份，通常都係標榜助眠及放鬆，但點樣同體重管理拉上關係呢？其實就係正正因為薰衣草精油可以有助於減輕壓力同焦慮，改善睡眠呢幾點，對於體重管理有莫大益處。研究顯示，壓力同焦慮可能會導致飲食失調以及荷爾蒙嘅分泌，皮質醇同腎上腺素水平升高嘅時候，會導致身體儲存更多嘅脂肪。使用薰衣草精油可以幫助減輕壓力，提高睡眠質素，進而有助於體重管理。
使用方法：
– 滴幾滴薰衣草精油喺枕頭或床單上，幫助放鬆身心，改善睡眠質素。
– 沖涼嘅時候，加幾滴薰衣草精油入浴缸中，享受舒緩嘅香氣。
– 利用薰衣草精油及底油稀釋按摩，放鬆肌肉同緩解壓力。
2. 薄荷精油
薄荷精油有提神醒腦嘅功效，可以增加注意力同精力。當感到疲倦或者缺乏動力嘅時候，可以進食含有薄荷成份食物提振精神（但當然係少卡路里啦）。使用薄荷精油亦可以減少對食物嘅依賴，有助於體重管理。
使用方法：
– 滴幾滴薄荷精油喺手帕上，輕輕嗅幾次，提振精神。
– 喺辦公枱上用薄荷精油擴香器，環繞你嘅周圍帶嚟清新嘅香氣。
– 加幾滴薄荷精油入按摩油，按摩身體以提神醒腦。
– 加幾滴薄荷精油入水中飲用，可以減少食慾。**並不是所有精油產品都可以口服攝取，必須選用指明可以口服之精油。
3. 西柚精油
西柚精油有促進消化同抑制食慾嘅特性，研究顯示可以加速新陳代謝，促進脂肪燃燒，同時減少食慾。西柚精油來自於西柚皮部分，當中含有嘅D-檸檬烯等某些化合物含量好高，有助於支援淋巴腺新陳代謝以及引流，所以對於去水腫有一定幫助。亦因此市面上大部去橙皮紋產品或乾刷Dry Brushing都會利用到西柚精油。
使用方法：
– 擴香西柚精油可以減少食慾。
– 加幾滴西柚精油入按摩油，按摩腹部及臀部以去水腫。
– 加幾滴西柚精油入水中飲用，可以減少食慾。**並不是所有精油產品都可以口服攝取，必須選用指明可以口服之精油。
4. 肉桂精油
肉桂精油中含有名為「肉桂醛」（cinnamaldehyde）的活性成分，呢個成分具有一些可能對血糖水平產生影響的特性。另外可以幫助加速脂肪燃燒，控制食慾，有助於體重管理。
使用方法：
– 擴香肉桂精油有助於提升精神，減少食慾，並增加能量。
– 肉桂精油可添加到溫水、茶或其他飲料中飲用。但請注意，肉桂精油非常濃縮，僅需添加一滴或兩滴到飲料中，並且最好在飲用前先與蜂蜜或植物油混合，以幫助溶解。飲用肉桂精油或有助於控制血糖，從而減少食慾並提高代謝率。**並不是所有精油產品都可以口服攝取，必須選用指明可以口服之精油。
– 稀釋肉桂精油後進行按摩。將混合油輕輕按摩在身體上，特別是在腹部和大腿等容易積聚脂肪的部位。按摩有助於促進血液循環，加速新陳代謝。
呢啲都係一啲對體重管理有幫助嘅精油，不過要記住，精油只能作為輔助方法使用，唔可以替代健康飲食和適量運動。如果你有任何健康問題，使用精油之前記得查詢返專業醫生嘅建議呀！
MainBlog：http://bymilly.co
Facebook: http://www.facebook.com/bymillyco
YouTube：https://www.youtube.com/bymillyco
Instagram: http://www.instagram.com/bymillyco
Instagram: http://www.instagram.com/essentialsbymilly