多謝老公 ♥ 香薰頸鏈 ♥

hehee 多謝老公預早送我o既情人節禮物。>3<

(其實係我睇中o左，然後佢負責俾錢XD不過都已經好好，而且佢仲好貼心咁sales姐姐買多條有冇discount，所以我先有兩條香薰頸鏈hehee)

沉迷香薰精油的我，當然想一整天都浸淫在香薰氣味當中啦~我本身係有鼻敏感，一向都唔鍾意d skincare/化妝有太勁o既香味。由陀第一胎開始我已經冇再用香水，因為太人工氣味，而且覺得有d攻鼻。同埋真係擔心香水o既化學成份會影響BB。但精油成份天然，就自己用得安心好多！(不過都要選擇返適當o既精油呀，懷孕或者初生嬰兒都有應該要避免用o既精油，例如懷孕其間唔用得Clary Sage，初生嬰兒唔建議接觸peppermint咁。詳細就唔係依到講，大家有興趣可以另外上網搵下)

COZY依個牌子其實早幾年都有見過，不過而家佢o既counter都少左好多。

一set香薰頸鏈除左鏈外佢都有跟一細枝精油(不過我當然係用返自己個d啦XD)同一個針泵，就個鏈墜係有一個小孔俾你用針泵擠精油入去o既，份量其實好少，我諗around 0.5ml左右。Sales姐姐話香味大概可以維持一星期左右。

因為我揀左Young Living o既Abundance精油，所以個精油鏈墜變左有D黃色（希望可以提升頻率XD，詳情可以Refer返<<吸引力法則 AAA workshop>>)

戴上頸都好靚咖，依個比較細，睇落精緻D。另外心心個個就係長頸鏈，不過未拆。佢個款有D似當年老公第一次送個氣心心長頸鏈hehee，不過個個就唔係褸空o既。

一句到尾，多謝老公。>3<

hehee, love you XOXO