一個月嘅移民大計係如何鍊成的？

其實都唔個真係完全一個月內完成，不過由決定買機票到到達英國就真係一個月！😂諗下都覺得好瘋狂！

Renew BNO護照

我係2019年年尾嘅時侯申請Renew，2020年1月份拎到新嘅BNO護照。呢樣真係要多得婆婆嘅遠見，佢係好早嘅時侯已經有留意，所以我地一路都有關心呢方面嘅事宜。

之但係其實係唔需有效嘅BNO護照，一樣可以申請以LOTR入境或BNO （Visa）。可以參考返官方網頁資料：https://www.gov.uk/government/publications/hong-kong-bno-visa-policy-statement/hong-kong-british-national-overseas-visa-policy-statement-plain-text-version

Research研究落腳點

可以參考我上一篇分享我地係點搵Nottingham出黎。

聯絡船運公司報價

都係主要上網搵同問朋友，我地搵咗三間Forwarder去比較。我地係7月尾開始聯絡Forwarder報價，8月中Confirm 約日子，飛之前一星期上門Pick up。超緊湊！

• Seven Sea – 婆婆上網自己搵，報價比較平。但需要我地自己Pack完拎落樓下先上車。冇HK Office，好難搵人溝通。後來我亦都見到有啲網上評論反映麻麻。
  
• Asian Express – 我一位最近已移居蘇格蘭嘅朋友介紹。朋友最後包咗全屋167箱，加做木箱運鋼琴，HKD42K。但當我聯絡時Qoutation好求其，又冇乜心跟咁，所以我地最後冇揀到用佢。
  
• Vanpac – 都係已移居蘇格蘭嘅朋友介紹，不過佢地最後冇用到。Sales比較細心講解，由拎TOR到去到用Combine Shipment詳情都講得好清楚。Pack箱價錢亦OK。最後packing日，師傳好快手亦好有禮。不過我到而家都未收到最後埋單價錢😂😂😂😂，未俾錢。

非常震撼XD，因為我地同公公婆婆一齊Ship，兩個地址Pickup，一共119箱，810 Cuft 🙈🙈🙈🙈🙈。

買機票

我地係8月尾買9月尾嘅機票，我覺得買機票呢樣真係好重要！好廢話，冇機票點飛😂。但我係指Progress上嘅重要性，因為買咗機票，有一個實際日期會追進度，唔會再拖，好多野都會嘭嘭聲地做。

我地買咗維珍，四大三小直航來回大概4萬8左右，但最尾上機時變咗國泰（係咪賺咗🤪？）因為湊住三個小朋友，所以直航會比較方便，唔想捱多幾個鐘。而且直航由香港飛去英國就唔需要隔離。（Ref： https://www.gov.uk/guidance/coronavirus-covid-19-travel-corridors）

辭職

我地屋企唯一有返工嘅就係爸爸🙈，咁當我地有共識地會好快離開時，其實爸爸8月頭已經遞信，9月頭已經可以離職。雖然我地都有諗過賺多一個月錢係好嘅，但其實有好多事務一個人都好難處理好，所以爸爸係屋企就好辦事好多。爸爸離職後其實都冇停過，好快就開始執野Pack箱，跟住嘭一聲就黎到英國XD。

辭退工人姐姐

我地其實7月份先同姐姐Renew Contract，但轉眼間就要炒佢。姐姐同我地做咗兩年，做得都唔錯咖（主要係照顧細佬）。好彩嘅係原來因為我地係移民所以辭退姐姐，咁佢唔需要返執菲律賓，可以直接係香港搵下一個僱主。係疫情下，工人姐姐都變得好搶手，係我地離開之前姐姐已經搵到下個僱主喇～

退租

我地其實6月時先剛剛搬屋，所以依然係死約當中，好彩就係業主理解體諒我地，所以可以成功退租。而業主都非常之好，俾我地住到最後一刻，所以我地係去到上機前先交吉XD。

退學

我係8月31日先打去小學同幼稚園講退學，因為疫情關係最初兩星期都係上Zoom，所以我地都有繼續上堂，直至正式復課前。咁小學同幼稚園都需要提交書面退學信嘅，都係非常簡單寫返小朋友資料同退學不因就可以。

總括所有野都非常緊湊，但亦都非常順利！要多謝身邊嘅人體諒同幫助，最尾仲可以去迪士尼兩次，算超額完成咖喇🤣🤣🤣🤣🤣🤣！

MainBlog：http://bymilly.co
Facebook: http://www.facebook.com/bymillyco
Instagram: http://www.instagram.com/millylo1014
Instagram: http://www.instagram.com/essentialsbymilly
Email: millylo1014@gmail.com