SHU UEMURA瞬間亮肌BB霜 SPF30 PA++

都真係好耐冇寫過試用文XD!今次好好彩抽到She.com o既SHU UEMURA瞬間亮肌BB霜 SPF30 PA++試用 hehee

SHU UEMURA我用過O既唔多，只有用過泡泡BASE同埋眉筆，粉底個D暫時都未試過。之前用過o既泡泡BASE我自己覺得麻麻，因為有d麻煩，要專登用撲上。而且我自己皮膚比較薄，用起上黎有d吉吉地，所以後來就冇用lu。

BB cream都買過好多牌子，不過通常都偏白同好油，唔太o岩我。 所以後來都冇再入手過BB Cream, 反而用返傳統liquid foundation仲好。 不過今次試用o既SHU UEMURA瞬間亮肌BB霜真係幾正!!質地唔笠! BB cream o既賣點就係輕、透、薄，所以講真唔會expect佢coverage好高。但我覺得依枝瞬間亮肌BB霜算係咁上下，遮到紅同暗啞。唔想搞咁多野，快手出門口的話都真係幾好用!!

唔算太稀，好容易推開成塊面。搽匀後輕輕撲返碎粉就出得門口，快、靚、正!

明顯膚色匀均d，而且多左光澤感。就算上左碎分都唔會話暗沉左! Good! 🙂