終於試到「麻神麻辣火鍋」喇！

前日出去Young Living Office攞貨，順便同朋友們聚餐。之前都知道Midtown有好多好野食，原來「麻神」就係Midtown到！於是就去試試😋（本身係諗係去第二間到打邊爐嘅，但因為有限時，所以我地臨時轉軑）

Lunch time唔多人，walk-in就可以，我地由12點食到兩點幾😂中間都多人黎食Lunch，但似乎都係walk-in，我只偷聽到1-2個係book咗枱。

suprise嘅係原來佢地都有Lunch Set，而且選擇都幾多同埋唔算貴（我想像中比較）呢！

我地三個都係叫咗牛肉涮涮鍋，大家都係要麻辣湯底，不過我怕用麻辣湯底淥麵會好辣，所以我叫咗白飯。肉量唔算好多，6-7塊到，但質素好好，真係超好食！！！我地仲諗住加200gram牛肉（＄2XX)，精明嘅朋友提醒下發現叫多兩個A餐仲抵😂，所以我地係3個女仔食5個餐，好瘋狂🙊

之前都有聽講過「麻神」嘅麻辣湯底係可以飲嘅😳其實本人係好唔食得辣，但又好鍾意麻辣，我覺得「麻神」好啱我👍🏻唔係好辣，但食得好過癮！

我覺得好嘅係我地叫咗五個餐，可以換兩個唔辣嘅昆布湯黎淥菜😂。麻辣湯淥菜我就真係食唔到🙈我地都試咗好出名嘅啫喱鴨血，好食😋

其實我上去之前都有係Openrice睇過下comment，有啲人話服務唔好，但我覺得冇咩問題，可能因為唔係繁忙時間🤔

總括黎講好好食呀，可以encore呢～

麻神麻辣火鍋 – 地址：銅鑼灣登龍街1號金朝陽中心2期25樓