超地獄濟州首爾親子遊 – DAY 2／濟州神話世界 신화테마파크 JEJU SHINHWA WORLD

尋晚一早訓咗，當然今朝就精精神神食早餐啦！我係agoda訂The Island Blue Hotel嘅時候有訂埋早餐（大概每間房俾多$100左右），都OK咖。始終一家大細有老有嫩仲濟州搵早餐食好似有啲麻煩，食完乾手淨腳出發就Perfect池喇！

酒店仲有一個Kids playground，有啲圖書、玩具、波波池、滑梯等設備俾小朋友玩咖！我囡玩得不翼樂乎，尤其係個滑梯，不過個波波池我就覺得有啲污糟🙈

一行4大2細搞掂就出發去濟州神話世界喇！！！其實本來唔係行程當中咖，臨出發前先係網上見到，而又有家姐最鍾意嘅LARVA，所以先至加入濟州行程當中，而我地都覺得不往此行！婆婆仲話想去多次呀！🤣

我地直接由酒店撘的士出發，本身想叫酒店幫忙Call Jumbo Taxi，但酒店話冇要分別坐兩架的士，所以我地決定出去截🙈係路邊等咗一陣，就有的士司機兜過黎詢問一臉茫然嘅我地😂。上咗的士之後先發現，的士司機係唔識路！佢未去過又唔知道係邊，最慘係佢個GPS搵唔到濟州神話世界🤦🏻‍♀️死未！然後仲上錯公路，去到附近又兜黎兜去入唔到去🙈（佢個正門同停車位係有一段距離咖，係停車場落車沿住斜路行上去先見到）我地依程的士撘咗KRW25,000 。

終於去到門口喇！！！

濟州神話世界 신화테마파크 JEJU SHINHWA WORLD

제주특별자치도 서귀포시 안덕면 신화역사로304번길 98

營業時間：10am-6pm

入場費：成人KRW39,000、小童KRW35,000 （三歲以上需要購票）

遊客係冇折嘅，反而濟州居民就有😆

不過買入場券有送Coupon，包括KRW5,000嘅消費coupon同KRW5,000嘅飲食coupon，不過飲食coupon只適用於Food Cart消費，餐廳唔用得呀～

佢另外有一種ticket係包埋溜冰場，不過因為粗身大細又有細路，我地就冇買啦～

係門口影個大合照先，當日因為係閒日，超！級！少！人！

我地懷疑成個園區嘅遊客係少過100人😆Staff可能仲多XD

整個園區分為三個部份，好似好少，但又好出奇地玩唔晒😂玩到天黑我地都仲係係LARVA個到🙈🙈🙈🙈🙈

一入場就係視界之港，個到有兩個遊戲，一個係Rotary Park 4D Theatre，一個係Finding Larva，兩個都寫住孕婦唔玩得☹️，所以一開始我係冇跟入去玩🙈

Rotary Park 4D Theatre有限高度，家姐都玩唔到🙈後來爸爸同公公都有去玩，爸爸話都幾刺激，遊戲時間大概20分鐘。另一外Finding Larva係爸爸玩完覺得唔刺激，我都可以入去玩，所以就同家姐再玩多次（家姐超級開心呢，返黎咁多日都仲講緊🤣）

勁少人，可以瘋狂地Encore🤣

工作人員非常友善，仲識講國語，教我地點樣玩依個遊戲。

同好多樂園一樣，一出遊戲就有鋪頭，勁勁勁多LARVA野，睇得勁開心～

然後我地就去咗Central Stage到睇表演，都好好睇咖。好搞笑嘅係，演藝人員全部都係外國人面孔，但唱韓文🤣🤣🤣唱韓文時後面會有中文字幕咖，好貼心！

表演完仲可以同佢地影相添！

玩完Part1我地就去Larva’s Adventure Village玩喇～好啱小朋友👍🏻

好搞笑嘅場景，係Larva Fans一定唔會錯過🤣

好搞笑，啲長櫈係香口膠黎XD

不過去玩之前我地先去醫肚，去咗Larva’s Cafeteria到食野先～

樂園黎講啲野都算好好食！相比香港迪迪尼🙈

而且唔貴，一個餐都唔駛一百蚊港紙👍🏻

炸辣雞漢堡，超大塊雞扒，辣！但好好食

本身跟一份細薯條，另一份係加嘅～

肉丸肉醬意粉，好食！好耐冇食過好食嘅肉醬意粉😅真心好食，而且可能因為少人，所有野都係即叫即做，所以熱辣辣好好食！

泡菜燉飯，好似有肉嘅，但我唔記得咗係咩😅

依個叫俾公公婆婆食，有啲辣，但都係好食嘅！

最後仲有叫多個Waffle食，係Larva樣咖～～～～

好似都係KRW7,000左右，唔貴又好食，值得試呀！

食飽飽我地就去Adventure Playground玩～有好多好多好多瀡滑梯！

但都幾高，有啲家姐都唔敢玩，要爸爸陪玩🤣

行過啲啲就有Larva火車坐🤣，仲有工作人員介紹名聖咖，不過當然都係韓文啦😆

園區入面有個影相位，當日我地都見到有啲中國遊客係到影相～

依兩隻Larva曉郁咖😆，我地影相個陣Red條脷仲fing fing下🤣

然後又有Larva嘅Merry-go-around啦～可以騎Larva🤣

仲周不時有表演咖，但好搞笑，我地發現啲演藝人員來來去去都係個幾個外藉人士🤣（就係之前係Central Stage表演個幾個😆）

聖誕老人又係佢😆

鼓手、貓貓應該都係佢地😆

跳舞表演都係😆

影完相因爲好鬼凍，我地又去Cafe坐🙈去返入口附近嘅Cafe Wingcle，咖啡都OK呀。

而隔離又係sourvenir shop，婆婆梗係又去睇野啦🤣

到婆婆返黎，妹妹已經瞓著了🙈

不知不覺就6點，園內好多遊樂設施都關門lu，不過我地都行下影張相留念。

Oscar’s New World其實應該比較適合大人玩，有大型啲嘅機動遊戲，過山車個類，不過都唔關我事😆，我一向都唔玩機動遊戲🙈

不過好彩有去個邊逛下，因為有啲好靚嘅冬日佈置😍

最後真係不得不讚下相中依位姐姐，如果唔係佢我地都可能返唔到酒店🙈因為園區個邊係冇的士等客咖，而係要專登call車，但我地手機係得上網打唔出，好彩得佢幫我地call的士先有車返歸咋🙈而且姐姐仲好好人咁帶我地出去等車，同make sure我地上咗的士先走，超級nice！所以婆婆捉住要同佢影相😍

回程的士都係KRW25,000 ，返酒店休息一陣我地就係附近食黑毛豬燒肉做晚餐，yummy！

正正正！

記憶中的飯盒🤣睇韓劇／韓綜就見得多，第一次食，都幾好味，要shake係幾好玩嘅🤣