♥ 移英紀錄

英國申請插班入學(小學)- In-year Admission

text on shelf

妹妹係2016年3月(4歲半)
家姐就2014年4月(6歲半)

根據UK Gov網頁寫,大部份小朋份都會係4歲後開始Full time education。而夏天出世嘅小朋友(4月1至8月31日),只要係個個學年內5歲,都可以係當個學年嘅9月返學。
(Ref:https://www.gov.uk/schools-admissions/school-starting-age

英國3-4歲嘅小朋友可以有15小時嘅免費學前教育,2歲已經可以報名。不過我睇過個requirment,LOTR應該係申請唔到嘅,因為呢個免費學前教育算係Public Fund。
(Ref:https://www.gov.uk/help-with-childcare-costs/free-childcare-and-education-for-2-to-4-year-olds / https://www.gov.uk/help-with-childcare-costs/free-childcare-2-year-olds

幾時可以申請學校?

我係成功租到屋後就開始申請嘅,係未交Council Tax之前就已經申請。因為我見屋企附近個幾間學校都已經Oversubcribed,所以我有提前Send email去Council到問,不過Council都係叫我直接上網申請,咁所以我就照Apply。

如果你唔知邊一個Council負責,你可以用以下網址查詢:
https://www.gov.uk/apply-for-primary-school-place
一樣係用Postcode就可以查得到。

每個Council個網頁都唔一樣,不過細項應該都係大同小異嘅。
以Nottinghamshire County Council為例,就可以係Education下搵到有關School admissions嘅資料。

https://www.nottinghamshire.gov.uk/education/school-admissions/hub

Council啲網頁其實都好清楚,咁不過如何你都係唔肯定小朋友係咩年級,都可以用右邊”Not sure where to start?”用出生日期黎Check。

例如我用細佬嘅出生日期黎Check,佢就popup”Early year and Childcare”, 用妹妹就會顯示”Your child is currently in Reception”,亦都有提示就係如果係剛剛搬屋,就可以選擇”In-year admission application”去做插班。

點樣申請?

Nottinghamshire County Council報名其實都好簡單,只要係Citizen Portal申請個Account就可以幫小朋友用登記。

提交個人資料後最重要就係揀學校喇,呢到同香港好唔同,因為只會可以揀四間學校。如果有兄弟姊妹讀緊,會有高啲機會,係Catchment範圍亦都會。

以Nottinghamshire為例,要Check邊間學校係Catchment範圍可以用呢條Link:https://www.nottinghamshire.gov.uk/education/school-admissions/school-catchment-areas

點知學校有有超額收生(Oversubscribed)呢?可以係Ofsted到睇到 https://reports.ofsted.gov.uk,一樣係可以用Postcode去Check屋企附近嘅學校。其實如果有小朋友要讀書,係租屋嘅時候已經要留意租盤附近多唔多學校,有冇超收嘅情況。

Ofsted Report其實係一啲學校評估,有非常多資料可以睇到,搵心儀學校嘅時候要睇呀。咁有冇超額收生就可以Refer上圖右手邊,有寫School Capacity(容納數目)同Number of pupils (學生數目),上圖呢間學校就已經係超收咗。

我地屋企附近有5間小學,有3間超收,一間冇Ofsted Report。最後我地係入到Catchment內嘅超收學校,亦都係我地嘅first choice!

需要提交咩文件?

我只交咗出世紙同地址證明,到呢一刻(27/11)我都係未交Council Tax嘅😂。(不過我尋日都收到Council Tax Bill,所以其實未收到,Council都有做野嘅,放心)

Free Meal & Free Milk福利

原來係英國Reception, Year 1 & Year 2嘅小朋友都可以有免費午餐(學校叫School Dinner),而Nottinghamshire大部分學校都係用一樣嘅Menu,大家可以參考下,都幾好餸咖,仲有甜品食!( Ref: https://www.nottinghamshire.gov.uk/media/2891941/interim-menu.pdf

然後5歲以下嘅小朋友仲可以每日有免費牛奶,如果要付費都係一個Term GBP14 。
(Ref:https://www.coolmilk.com

時間線參考:
9/11 上Council網頁申請
21/11收到Council信有Offer,隨即email學校
23/11 收到學校email詳細
24/11 第一次到學校參觀
26/11 正式返學!

兩姊妹雖然只係返咗兩日學,但兩日去接放學時都表現得非常開心,不停講係學校做過啲咩,Lunch食咗啲咩😆。我地參觀個日都見到啲小朋友好開心,妹妹Reception個班直頭成地都係玩具!山長水遠黎到呢到見到佢地返學咁開心就真係安樂晒!❤️

MainBlog:https://bymilly.co
Facebook: http://www.facebook.com/bymillyco
MeWe: https://mewe.com/i/bymilly
Instagram: http://www.instagram.com/millylo1014
Instagram: http://www.instagram.com/essentialsbymilly
Email: millylo1014@gmail.com