輕鬆濟州親子遊 Day 1 Part 1 / 濟州神話世界度假酒店 – 藍鼎酒店

真係一個慘痛經歷😂

今次兩姐妹都大個咗，凌晨機應該不是問題吧！

我地今次揀廉航Hong Kong Express，兩大兩小加埋都唔過HKD5,000， 應該都算平吧～

不過最尾個日係早機，所以其實只有4日玩，但對於帶住兩個小朋友黎講，4日都好夠玩～

HKG -> CJU 02:30-06:40

 CJU -> HKG 07:55-10:10

我地大概九點幾十點就去到機場，指定動作當然係逛逛Disney Store啦～

點解淨係得返機場先有😭

因為2點先Boarding，先同啲細路食多少少野，打個底先。

本身想去食Lady M，但因為已經太晏了，所以就求其係Food Court食個拉麵算⋯⋯

然後就係⋯⋯遊蕩時間🤣🤣🤣🤣🤣

因為仲有個幾兩個鐘先上機⋯⋯

好彩我地登機閘口附近有個電視機播卡通片👍🏻，仲要係家姐平時係YouTube睇個啲，上機前都睇到不亦樂乎呀🤣

終於挨到上機喇！竟然係3個連位加1個單丁位！

咁當然我就係坐3連位個個啦🙄

家姐係未起飛就已經瞓著咗，起飛黎妹妹都妹快瞓咗。但飛濟州嘅機程實在太短，只有3個鐘左右，加上又要派入境表諸如此類，機倉內嘅燈開開關關，所以大家都瞓得唔算太好⋯⋯

 

落機後就手刀衝去搭的士去酒店！實在係好眼瞓！！！！

由機場去濟州神話世界度假酒店 – 藍鼎酒店大概要30分鐘，車費大概係30,000WON(約HKD210）

但似乎本地人都係唔係好知濟州神話世界係邊🤔，每一次講完司機都好似好疑惑咁⋯⋯

我地Book嘅時候4晚係HKD36XX，其實係覺得有啲貴嘅，不過因為我地今次旅程嘅主要目的係神話世界樂園，所以冇計😂係家姐心心念念嘅LARVA呀😂😂佢間唔中都會提起去過玩，所以爸爸就決定新年假前帶佢地去多次～

酒店本身有提供Shuttle Bus，不過因為我地嘅航班時間夾唔到，所以來回都我地都係Call的士，不過我都Cap低咗，可以俾大家參考下 （官網：https://www.shinhwaworld.com）

我地去到酒店大概係早上6點幾7點，Check-in time係3pm，但櫃枱姐姐好好，見到我地又帶住小朋友，所以俾我地12點鐘check-in😭😭，不過我距離Check-in time都仲有段距離😭

於是⋯⋯我地就係Lobby灘屍🙈🙈🙈🙈🙈家姐係直頭進入超熟睡狀態😂

妹妹就搞咗好耐，係Lobby巡視完一大餐後先係我懷抱中熟睡⋯⋯

去到大概11:30左右，櫃枱姐姐就同我地講有房喇！！！🥳

一心諗住上房補眠啦，點知家姐開電視見到有FROZEN就唔願瞓喇⋯⋯

（韓文版，不過小朋友嘅世界應該係冇語言障礙嘅，俄文嘅Masha and Bear都係咁睇啦，韓文好小兒科！然後跟住個4日一係房佢就瘋狂睇電視⋯⋯因為有Disney Jounir Channel）

稍作休息後我地就去食午餐喇～濟州神話世界度假酒店入面其實有幾間酒店，包括：

Marriott、Somerset、Shinhwa同Landing，大部分區域都係連住嘅，所以行行下就會去咗另一間酒店範圍。係Marriott酒店樓下就見到呢間「濟州膳」餐廳。

咁啱遇到佢地嘅Weekend Lunch Set，好抵呀，而且環境不錯呢！

我地叫嘅係3人餐KRW 65,000 ，另外有2人餐KRW 50,000可以揀，就湯3選2咁解。

 

拌橡子凉粉色拉                                     泥蚶韭菜煎饼

 

炒猪肉                                                炖鲭鱼

黑猪肉泡菜锅                                     片年糕海藻汤

另外仲有冇影相嘅牛肉大酱锅同甜米露😆

食飽飽我地就係酒店商場到閒逛，不過其實都冇咩好睇😂

有完全冇客嘅Duty Free，另外仲有一間賣Teddy Bear嘅鋪頭。

Joanne Teddy Bear

同埋有一間Starbucks👆🏻

行下行下就行咗出去神話樂園門口😂本身冇諗住睇一日就入園玩，同埋因為真係太太太凍，所以就先入Coffee Shop暖一暖同買入場劵先！呢個Coffee Shop之前話係G Dragon有份嘅，不過我諗而家應該唔係，搵唔到有咩係同G Dragon有關嘅野⋯⋯除咗頭頂個兩朵會呼吸的花外⋯⋯🙄

Coffee Shop內有Kakao Friends 快閃店，不過啲精品種類唔算多，所以都係睇下就算🙈

買好飛就入去玩喇！下一篇我會分享點樣買飛最抵！抵到值得encore買多次再入去玩！