Darling hold my hands 
首歌就聽得多，今次真係Book咗Jet2Holiday去旅行喇！因為住得近East Midland Airport，我地當然揀呢個機場出發嘅行程。我地揀咗去Spain Benidorm Magic Natura Resort，一個有動物園同埋水上樂園嘅酒店。
https://www.jet2holidays.com/beach/spain/costa-blanca/benidorm/magic-pirates-island-resort
同集團仲有另一個Resort係隔離，當初我睇相覺得啲房冇咁吸引，所以我揀咗Magic Natura。但後尾有一晚我地入咗去Magic Pirates Island睇show，我覺得住Magic Pirates Island可能會舒服啲，因為小啲山路。
我地一早六點機，所以book咗4am車去機場，8人車大概£30。
我地出境都算順暢，香港護照要係Counter Box check Visa都好合理，但搞笑地BNO佢地睇得仲耐。Check-in後係機場食啲啲野就準備上機，East Midland Airport好似好細，但都有唔少餐廳同商店，都好多人係呢到飛。由East Midland Airport飛Spain Benidorm大概3小時，因為3點幾就起身準備，所以上機都係倒頭大睡，好快就落機。
落機後，Jet2Holiday有接駁巴士直接去Resort，車程大概係45分鐘，我地大概11點幾去到酒店。
Check-in後每人都有條手帶，開房門、買野飲、出入動物園WaterPark都要用佢。因為房未Ready，所以我地放低行李係Reception後就去食Buffet。見到有唔少Family都直接換埋泳衣放低行李就去玩。
我地今次Book嘅係All Inclusive，所以包三餐＋Bar無限野飲，一日三餐都係係Buffet食。另外仲有Ultra All Inclusive，就再額外有其他餐廳可以預約。野食我覺得都可以，每日都有唔同選擇，而且款式都算多。第一日我地就遇到西班牙海鮮炒飯，終於唔係上次濕立立嘅湯飯。但西班牙夏天真係好多烏蠅！！！！
食飽飽剛好就可以Check-in （房Ready，Reception就會打俾你，所以要有可用嘅電話號碼呀！）因為房係山上，所以有Buggy Service車客人同行李上房。我地同細佬妹瞓，家姐就跟公公婆婆瞓。每間房都有雙人床，一張碌架床，同兩個獨立廁所。有兩個獨立廁所真係好緊要呀！因為玩完水返黎沖涼好快可以沖好晒，唔駛等好耐。
大房入面有冷氣，有風扇，細房就冇，但打開門都夠涼。（我覺得夜晚瞓覺個冷氣有啲涼添呀）
第一日休息過後我地決定先去動物園行下，同埋睇下Water Park係邊。Resort入面有通道可以直接入動物園&Water Park，開放時間10:30-19:45， 好方便。動物園超級大，超級多上落山，所以真係行到腳軟。而且西班牙七月真係超級熱，記得要帶埋水係身同著舒適嘅鞋去行。
我地第一日都係求其行咗一半就返歸，因為真係好攰，食完飯就返咗房休息。每晚8:30係近Resort動物園區內都有表演睇，不過第一晚係Bollywood我地就Skip咗。
第二日就係小朋友心心念念嘅Water Park。酒店入面其實都有兩個游泳池區，游泳池區有得借毛巾（EURO10一條按金）由Resort行去Water Park大概要15-20分鐘，Resort內嘅Shuttle Bus好似係可以去到，但我地冇試過。
中途我地咁啱路過飛禽表演，所以睇埋先去玩水。好少見有貓頭鷹同禿鷹表演，著住泳衣係三十幾度睇表演真係熱到嘔🥵
睇完表演大概12點45， 正午去到水上樂園。水上樂園超級大，好多滑梯，但我地全家都係膽小鬼😂，冇人玩。水上樂園好多藍色沙灘椅，全部都要錢嘅，好似EURO6/8， 但橙色嘅沙灘椅就係酒店客人免費用嘅，不過數量唔多，我諗全場大概得40張左右，就係小朋友游泳池旁邊。
游完水，酒店客人可以去專屬嘅Bar到食野，有薯條、Nugget、熱狗，唔駛額外消費。另外Bar仲有Slushy同埋cocktail可以飲 （Check-in時可以係Receipt借杯，EURO1按金，或者係酒店網頁買到可以），或者自己帶杯都可以，我地有帶到保溫杯去裝水，另外保溫杯裝Slushy真係好正）
食完公公婆婆同家姐決定撒退，我地同細佬妹又返返落去再游過，最後游到差不多5點先走人。離開Water Park又係要經過動物園，都要行唔少路，所以都唔好游到無晒力先走，仲有排行呀。
返房沖涼休息過後就食晚飯，食完晚飯就去睇Show喇。個Show又返返入去動物園（不過佢有Gate封咗入園區嘅，只不過個表演台係動物園入面）。旁邊有Bar，可以拎Cocktail坐係到慢慢睇。
睇完Show後，仲有其他活動，今晚係Bingo我地又留低咗玩。係免費嘅，只要係手機scan QR code就可以參加，老公好犀利咁贏咗Full House，獲得一枝香檳👏🏻👏🏻👏🏻👏🏻
