滿城風雨o既精油恐慌

大家對芳療/香薰治療/香薰油/精油依d字眼應該都唔陌生，我估應該冇人唔知道係d咩野。但唔知點解最近依半年好似滿城恐慌，依份報紙話用左精油點點點，個個電視新聞話用左精油會咩咩咩。我絕對相信唔適當地使用精油，係會百害而無一利。四字成語都有啦「適可而止」，講真水飲得太多都會中水毒，咁代表水本身係有毒咩？

我自大學開始其實已經好鐘意用香薰，初初其實主要都係要黎擴香(diffuse)，純粹係要個香味，當時都冇諗過香薰其實有其他用途。做左人媽咪，就開始注重健康，希望可以搵一d天然o既方法去取代西藥。例如燉橙、燉洋蔥、放個洋蔥殺菌等等。其實坊間都有好多中醫方法、順勢療法、香薰治療甚至偏方話可以取代西藥。有咁多方法，咁點解最近只target香薰治療黎講呢? 我相信同noise, 同gimmick, 同利益好有關係，依個其實好值得大家深思。

我估唔計Young Living個萬幾個用家，香港仲有好多人係有用香薰/精油。咁大家知唔知其實市面唔係隻隻香薰油/精油都係純天然? 知唔知佢係用咩方法由植物粹取? 知唔知芳療其實係有分唔同派別?

其實用油真係好多野學，絕對唔係人云亦云就ok。就算睇書，都真係要睇多幾本，參考下多d先知道點用，適唔適合自己。現實社會當中，我相信總會有d害群之馬，吹噓香薰油/精油功效，為求利益不摘手段，大家要睜大雙眼睇清楚。另外報章傳媒講o既野又係唔係100%可信呢? 大家真係要好好思量下。