Too Cool For School Egg Mellow Cream ＆Orbis UV Cut Sunscreen

嘻嘻 又係試用環節。女人都係貪新鮮，樣樣新產品都想試下。she.com有個好好嘅平台she critiques 每個星期四都有D新產品可以比讀者申請試用，然後寫返短評。寫得好仲有機會有獎咖！（雖然我唔肯定係咪勁讚件貨就叫好 ：P 但so far D短評都算中肯）

今次第一件試用嘅產品係 

Too Cool For School Egg Mellow Cream 白滑雞蛋提拉緊緻面霜

之前都有用過TOO COOL FOR SCHOOL 嘅白滑雞蛋泡沬面膜，得意但好似又冇想像中咁好用（冇人地講咁神奇）。但今次試用嘅白滑雞蛋提拉緊緻面霜就真係令我喜出望外！枝出黎個下texture同一般cream狀面霜好似冇咩分別，但當你搵手HI D個陣竟然會牽絲！！！！！搽上面好快吸收，唔需要好多份量就已經好保濕！搽完明顯皮膚滑左好多，不論係望落定觸感都係滑嘅！唯一令我卻步嘅就係太香：（

第二件抽中試用嘅產品係Orbis －UV Cut Sunscreen On Face Beauty 無油防曬底霜

要知道防曬係好重要嘅一環，防曬做得唔好／唔夠，搽多多美白產品都補唔返呀！

今次係我第一次用ORBIS嘅防曬，原本以為會係白色個種，但原來係有色防曬可以當base／就咁出街用。質地比較水，上面後都可以略略均勻膚色。啱晒我依D要湊小朋友，趕頭趕命出街嘅媽咪。採完防曬後輕輕撲返層碎粉就搞掂，好方便！美中不足嘅地方係佢依然係有D太陽油嘅氣味，唔算好勁，但兩三個鐘之後我都仲聞到LOL