輕鬆濟州親子遊 DAY 3 – 中文圈 Teddy Bear Museum / 西歸浦 每日偶來市場

Day 3 出發！尋日買咗件新褸，即著，即刻暖晒～～～～

另外妹妹都買咗頂新帽，齊齊暖笠笠～

又係的士時間😂，住藍鼎嘅唯一問題就係的士出入，不過我地今次旅行目的係神話樂園，所以冇計🙈🙈🙈🙈🙈由藍鼎去中文圈大概需時25分鐘，車費大概14,000WON。

去到中文圈嘅Teddy Bear Museum，首先係行落少少醫肚先。我地求其入咗一間烤肉餐廳，都 頗多人食，有半地人亦有遊客。

開餐前妹妹食益生菌MightyPro（佢係當糖食😂）

我地叫咗個五花腩同埋一個鮑魚蔘雞湯，好似仲有一個烏冬😂

（忽然失憶又冇影低，自己都唔係好肯定⋯⋯🙈）

個鮑魚蔘雞湯麻麻地，冇乜蔘味，同係首爾食嘅差天共地🙈

食飽飽就去Teddy Bear Museum喇～其實個館唔算好大，只有四層。不過最頂個層係售票處，最底個層係賣Souveinir嘅，所有真正只有兩層展覽廳，不過仲有一個戶外園區，所以大概只消磨到1-2個鐘。Teddy Bear Museum一樣可以係KKday到買入場券，不過只有預售，所以我地都係選擇即日Walk-in購買。我地去個日唔知點解好多中學生去參觀，人頭湧湧😅

Teddy Bear Museum (테디베어뮤지엄 제주)

제주특별자치도 서귀포시 중문관광로110번길 31 (색달동)

營業時間 09:00-19:00

夏天營業時間 09:00-22:00

*關門前一小時停止售票

入場券：大人10,000 won / 小童 8,000 won

入到去第一層嘅展覽廳有各式各樣不同年代嘅泰迪熊，亦有好多造成不同場景嘅Teddy Bear。

有Disney Land

仲有香港呢！

仲有非常之多嘅造型，相我影咗好多呀，不過唔放晒上黎喇，保持神秘感，大家自己去睇😉

最底個層有呢啲大型Teddy Bear可以影合照～

戶外真係非常之凍！但我覺得都幾特別，非常值得睇，尤其係個個超大嘅Teddy Bear機械人！！！真係嚇我一跳，嚇到我相都冇影到😂😂😂😂

超真實嘅餐車

個個烤肉我淨係諗到Monster Hunter😂 上手なぃました！

行完Teddy Bear Museum我地就過返對面馬路Starbucks小休，係香港都好耐冇飲過喇！！！！

勁好陽光，終於影到我個紅頭💗

我地叫咗兩個Cake加兩杯野飲，休息咗大概一個鐘左右

（諗住俾妹妹午睡一陣，但當然係事與願違啦🙄）

抖夠，我地就諗住去Lotte Duty Free （？）喇⋯⋯

其實Starbuck隔離就係信不信由你館，不過因為我覺得唔係太啱小購友睇，所以我地就唔去喇。附近仲有巧克力樂園、Play Kpop等等，如果有興趣，中文圈應該都玩到一日。

天真嘅我地諗住行去Lotte Hotel，點知原來一直都行錯方向🙈

沿路見到香蕉牛奶嘅餐廳

同埋海女KFC上校🤣🤣🤣🤣🤣

行行下我地都覺得唔係妹對路，所以都係截咗架的士去Lotte Hotel。開車後就發現，原來我地一直向相反方向行🤦🏻‍♀️。然後禍不單行係⋯⋯原來Lotte Hotel已經冇咗Lotte Duty Free！！！！我地完全係白行一趟🙈🙈🙈🙈

Lotte Hotel已經冇咗Lotte Duty Free！！！！

Lotte Hotel已經冇咗Lotte Duty Free！！！！

Lotte Hotel已經冇咗Lotte Duty Free！！！！

（重要嘅事情要講三次）

所以我地就決定截的士去西歸浦嘅每日偶來市場서귀포올레시장，上次黎濟州我地都有去過，類似街市咁，不過都有小食同手信買。其實都有啲遠，不過唔知去邊嘅情況下，我地都打的過去啦😂

好不幸地去到我地係冇咩點影相，因為兩個小朋友係車上已經瞓到死豬咁😂係托住兩隻豬仔嘅情況下，真係好難行街影相。🙈

偶來市場呢到同兩年前有啲唔一樣，好似光鮮咗，乾淨咗，有一部份賣小食嘅道路中間多咗個水池（仲要有魚同啲水非常清澈！），亦有櫈俾訪客坐低食野👍🏻

好不容易拍醒一件落地行，仲有一件叫唔醒😂

我地試咗呢個大排長龍嘅芝士蟹蓋，不過我覺得一般啫🙈

我地行下行下去到一條街有好多餐廳，睇餐牌應該係食魚生嘅。搞笑嘅係門口啲人排隊都係拎到個飯勺等位😂😂😂，原來個個飯勺係籌黎，等我之前仲奇怪緊點解有人拎住飯勺行街🤣🤣🤣🤣

帶住小朋友當然唔去食魚生啦，我就買咗個呃Like用嘅濟州橘子汁，其實都幾貴，成4,000Won一個🙈。最初我以為係直接榨汁，因為見佢地搵枝野攪，但原來係攪到佢空心，然後再倒返果汁落去嘅😅

 

但真係好吸睛嘅😂😂😂😂

怱怱地逛完就去醫肚喇，求其入咗一間韓食餐廳，快快食完就打道回府。

由每日偶來市場搭的士返藍鼎都大概要一個鐘，車費25,000Won。

所以住藍鼎如果要每日都安排出去玩，車費都其實幾貴🙈